អារម្មណ៍ហោះហើរលើអាកាស

ទីក្រុង​ដែល​ផុស​ឡើង​នៅ​កណ្តាល​ជ្រលងភ្នំ​ដ៏​គួរឲ្យ​អស្ចារ្យ​និង​ហ៊ុំ​ព័ទ្ធ​ទៅ​ដោយ​អព្ទ័​ដ៏​សែន​ត្រជាក់​ដូច​ទឹកកក​ ​;Sapa​ ​;ពិតជា​បាន​អន្ទងចិត្ត​ខ្ញុំ​ឲ្យ​នៅ​ទីនោះ​រយៈពេល​បី​ថ្ងៃ​និង​រីករាយ​ជាមួយនឹង​ទេសភាព​ដ៏​ស្រស់​ត្រកាល​តាម​បែប​ធម្មជាតិ​ លាយឡំ​ជាមួយនឹង​អាកាសធាតុ​ប្រមាណ​ជា​ ១៥អង្សា​រសេ​តែប៉ុណ្ណោះ​សម្រាប់​ខែឧសភា​នេះ​ ។ ដំណើរ​កំសាន្ត​ដ៏​ពិសេស​នេះ​យើង​បាន​ជ្រើសរើស​ការ​ធ្វើដំណើរ​ដោយ​ដេក​យប់​នៅ​លើ​រថភ្លើង​របស់​រដ្ឋ​ដែល​ចេញពី​ទីក្រុង​ហាណូយ​នា​វេលា​ម៉ោង​ ១០យប់​ និង​មកដល់​ស្ថានីយ​ ​;Lao​ Cai​ ​;នៅ​ម៉ោង​ ៦ព្រឹក​ ហើយ​នេះ​ពិតជា​បទពិសោធន៍​ដ៏​រំភើប​មួយ​ដែល​យើង​មិនដែល​ធ្លាប់​បាន​ជួប​ឡើយ​កាលពី​ពេល​កន្លងមក​។ ប្រសិនបើ​អ្នក​ជ្រើសរើស​យក​ការ​ធ្វើដំណើរ​តាម​រថភ្លើង​ ដូច្នេះ​លោកអ្នក​អាច​ទៅ​ទិញ​សំបុត្រ​នៅ​ឯស្ថានីយ​រថភ្លើង​ហាណូយ​ (Ga​ Hanoi​)។ គួរ​បញ្ជាក់​ផង​ដែរ​ថា​រថភ្លើង​នេះ​មាន​ពីរ​ប្រភេទ​ដោយ​មួយ​ជា​របស់​ឯកជន​ដែល​មានតម្លៃ​សំបុត្រ​ប្រមាណ​ជាង​ ៣៥ដុល្លារ​ និង​រថភ្លើង​របស់​រដ្ឋ​ដែល​មានតម្លៃ​ថោកជាង​ហ្នឹង​។ ពួក​យើង​បានសម្រេច​ចិត្ត​ជ្រើសរើស​រថភ្លើង​របស់​រដ្ឋ​ដែល​យើង​បាន​ទិញ​សំបុត្រ​ក្នុង​ស្ថាន័​យរថភ្លើង​នេះ​ផ្ទាល់​តែម្តង​ដោយ​កន្លែង​លក់​សំបុត្រ​របស់​រដ្ឋ​នៅ​ខាងស្តាំ​ដៃ​ ខណៈ​ដែល​ក្រុមហ៊ុន​ឯកជន​នៅ​ខាង​ធ្វេង​ដៃ​។ សំបុត្រ​រថភ្លើង​រដ្ឋ​មានតម្លៃ​ 435,000​ VND​ ( $19​) បូករួម​ថ្លៃ​ឡាន​ពី​ស្ថានីយ​រថភ្លើង​ Lao​ Cai​ ទៅដល់​ទីក្រុង​ Sapa​។ យើង​បាន​មកដល់​ស្ថានីយ​រថភ្លើង​ហាណូយ​នៅ​ប្រមាណ​ជា​ម៉ោង​ ៥ល្ងាច​ ក៏ប៉ុន្តែ​រថភ្លើង​ចាប់ផ្តើម​រំកិល​កង់​ធ្វើដំណើរ​នៅ​ម៉ោង​ ១០យប់​ឯណោះ​។ ចន្លោះ​ប៉ុ​ន្នា​នម៉ោង​ដែល​ទំនេរ​ ពួក​យើង​បាន​ដើរទៅ​លេង​ផ្សារ​រាត្រី​ចុង​សប្តាហ៍​ក្រុង​ហាណូយ​ ( Hanoi​ Weekend​ Market​) ដែល​មាន​ចម្ងាយ​ប្រមាណ​ជា​ ១គីឡូម៉ែត្រ​ប៉ុណ្ណោះ​ពី​ស្ថានីយ៍​រថភ្លើង​។ សំណាងល្អ​នៅ​ស្ថានីយ​រថភ្លើង​នេះ​ គេ​មាន​កន្លែង​សម្រាប់​ផ្ញើរ​ឥវ៉ាន់​ ដែល​អាច​ឲ្យ​ពួក​យើង​ជួល​ដាក់​កាបូប​ខោអាវ​នៅ​ទីនោះ​ក្នុង​តម្លៃ​សរុប៥ដុល្លារ​ ក្នុង​ចំនួន៥កាបូប​ ។

រថភ្លើង​បាន​មកដល់​ស្ថានីយ៍​ “Lao​ Cai​” នៅ​ម៉ោង៦ព្រឹក​ ក៏ប៉ុន្តែ​នេះ​មិនមែន​មានន័យថា​យើង​បាន​ដល់​គោលដៅ​ដែល​យើង​បាន​រំពឹង​ទុក​នោះ​ឡើយ​ អ្វី​ដែល​យើង​ត្រូវ​ធ្វើ​បន្ត​ទៀត​នោះ​គឺ​ត្រូវ​ដើររក​រថយន្ត​ ១២កៅអី​ដែល​នៅ​រង់ចាំ​យើង​ខាងមុខ​រ៉ា​។ បន្តដំណើរ​ដោយ​ឡាន​តាម​ជើងភ្នំ​និង​ជ្រលងភ្នំ​នា​ព្រឹកព្រហាម​យើង​បានឃើញ​ទិដ្ឋភាព​តាម​ដងផ្លូវ​និង​សកម្មភាព​ប្រជាជន​នៅ​ទីនោះ​ដែល​ភាគច្រើន​បាន​ដាំពោត​តាម​ជ្រលងភ្នំ​ បាន​បង្កើត​ចំណី​ចក្ខុ​មួយ​ដែល​គយគន់​មិន​ចេះ​ជិនណាយ​។ រយៈពេល​ប្រមាណ​ ៣០នាទី​លើ​រថយន្ត​នៅទីបំផុត​យើង​បាន​មកដល់​ទីក្រុង​ Sapa​ ហើយ​តៅ​កុង​ឡាន​ក៏បាន​សួរនាំ​យើង​ពី​កន្លែង​ស្នាក់នៅ​ដើម្បី​ជូនដំណើរ​ឲ្យ​ដល់​គោលដៅ​តែម្តង​។ « ​;Sapa​ Capsule​ Hotel​ ​;» នេះ​គឺជា​ឈ្មោះ​ទីកន្លែង​ដែល​ពួក​យើង​ត្រូវ​ស្នាក់នៅ​ សម្រាប់​រាត្រី​ថ្ងៃទី​មួយ​នេះ​។ ថ្វី​ដ្បិតតែ​វា​មិនមែន​ជា​ផ្ទះសំណាក់​ ឬសណ្ឋាគារ​ទំនើប​ក៏​ពិតមែន​ ក៏ប៉ុន្តែ​ ​;Sapa​ Capsule​ គឺជា​ ​;Hostel​ ​;មួយ​ដែល​បំពាក់​ទៅ​ដោយ​ ​;Dorm​ ​;ដ៏​ទំនើប​ ជាមួយនឹង​ភ្លើងពណ៌​ដ៏​គួរឲ្យ​ទាក់ទាញ​ដែល​ធ្វើឲ្យ​ពួក​យើង​ហាក់​មាន​អារម្មណ៍​ថា​បាន​សម្រាក​នៅក្នុង​យាន្ត​អាវ​កាស​ដ៏​តូច​មួយ​ដូច្នេះ​ដែល​។ ​;Rosy​ ​;នារី​ទទួលភ្ញៀវ​ដ៏​ស្រស់​ស្អាត​បាន​ទទួលស្វាគមន៍​យើង​យ៉ាង​កក់ក្តៅ​ជាមួយនឹង​ភាសាអង់គ្លេស​យ៉ាង​រលូន​បាន​ជួយ​ជួល​ម៉ូតូ​ដែល​មានតម្លៃ​ ៥ដុល្លារ​ក្នុង​មួយថ្ងៃ​សម្រាប់​យើង​ធ្វើដំណើរ​ផ្សងព្រេង​រុករក​នូវ​ទីកន្លែង​ពិ​សេស​ៗជាច្រើន​ទៀតផង​។

 ​;

ដំណើរ​កំសាន្ត​របស់​យើង​ក៏​ចាប់ផ្តើម​ឡើងជា​មួយ​នឹង​ម៉ូតូ​ដែល​ជូន​យើង​ទៅ​ទស្សនា​ សហគមន៍​ទេសចរ​ភូមិ​ចំនួន​ប្រាំ​រួមមាន​៖ ​;; ​;Y Linh​, Ta​ Van​, Lao​ Cai​ ​;និង​ភូមិ​ដទៃទៀត​តាម​ជ្រលងភ្នំ​ ​;Maong​ Hao​ ​;ជាដើម​។ មកដល់​ស្រុក​គេ​ជាលើកដំបូង​ យើង​ពិតជា​ពិបាក​ក្នុង​ការ​ទំនាក់ទំនង​ ម្យ៉ាង​ក្នុងចំណោម​គ្នាយើង​ប្រាំ​នាក់​នេះ​ពុំ​មាន​នរណា​ម្នាក់​ចេះ​ភាសា​វៀតណាម​ឡើយ​ ដូច្នេះ​ហើយ​អ្វី​ៗគ្រប់យ៉ាង​ត្រូវ​ពឹងផ្អែក​លើ​ Google​ Map​ទាំងស្រុង​ មិនថា​ស្វែងរក​កន្លែង​ចាក់សាំង​ ឬកន្លែង​ដើរលេង​នោះ​ឡើយ​។ មកដល់​ច្រកចូល​សហគមន៍​ទេសចរ​ភូមិ​ប្រាំ​ដែល​នៅ​ជាប់​ៗគ្នា​នេះ​យើង​បាន​ប្រទះ​នូវ​ការ​ដា​ក់​ប៉ា​រ៉ា​ស់​ដើម្បី​យក​លុយ​ពី​សំ​ណា​ក់​ប៉ូលី​សមូល​ដ្ឋាន​ ដែល​តម្រូវឲ្យ​យើង​ត្រូវ​បង់ប្រាក់​ដោយ​ក្នុង​ម្នាក់​ ៣ដុល្លារ​ (តែ​ប្រសិនបើ​អ្នក​ពិតជា​បាន​ទៅលេង​នៅ​ទីនោះ​ យកល្អ​គួរតែ​ជិះ​ឲ្យ​លឿន​នៅ​កន្លែង​ប៉ា​រ៉ា​ស់​នោះ​ទៅ​ប្រសិនបើ​មិន​ចង់​អស់​លុយ​)។ ពិតជា​បាន​ធ្វើឲ្យ​ពួក​យើង​ភ្ញាក់ផ្អើល​និង​មិន​សរសើរ​មិនបាន​ឡើយ​នូវ​ភាព​ប៉ិនប្រសប់​នៃ​ការ​ធ្វើស្រែ​តាម​ជ្រលងភ្នំ​ ដែល​យើង​ក្រ​លេ​កទៅ​កន្លែងណា​ក៏​ឃើញ​មាន​ របស់​ក្រុម​ជនជាតិភាគតិច​ Hmong​ និង​ Dao​ ដែល​មាន​កម្ពស់​មិនសូវ​ខ្ពស់​នេះ​ណាស់​ ។ ទិដ្ឋភាព​បែបនេះ​បាន​បង្កើត​នូវ​ផ្ទាំង​ទស្សនីយភាព​ដ៏​អស្ចារ្យ​និង​ជា​ចំណុច​ពិសេស​មួយ​ដែល​បាន​ទាក់ទាញ​ភ្ញៀវ​ទេសចរ​ឲ្យ​មក​ទស្សនា​ក្រុង​ ​;Sapa​ ​;នេះ​ផង​ដែរ​។ ព្រោះ​រវល់​តែ​សប្បាយរីករាយ​ក្នុង​ការ​ផ្តិត​រូប​ជាមួយនឹង​ទេសភាព​បែបនេះ​ហើយ​ ទើប​ធ្វើឲ្យ​ពួក​យើង​ពន្យារពេល​ស្រុស​ស្រូប​អាហារ​ថ្ងៃត្រង់​រហូតដល់​ម៉ោង​ ២។

 ​

 ​;ថ្ងៃ​ក៏​កាន់តែ​ជ្រេ​ ពួក​យើង​ក៏បាន​ស្រូតរូត​ដើម្បី​បន្តដំណើរ​កំសាន្ត​មួយ​កន្លែង​ទៀត​នា​ ​;Cat​ Cat​ Village​។ ទីនោះ​ហើយដែល​មាន​ទឹកជ្រោះ​ដ៏​ខ្ពស់​ដែល​បាន​ទាញ​ភ្ញៀវ​ទេសចរ​ឲ្យ​មក​លេង​គ្រប់​ៗគ្នា​។ មិន​ខុសពី​សហ​គមណ៍​ទេសចរ​ភូមិ​ទាំង​ប្រាំ​នោះ​ទេ​ ច្រកចូល​ទៅ​ Cat​ Cat​ Village​ ក៏​មា​នប៉ា​រ៉ា​សស​ម្រាប់​ឃាត់​ភ្ញៀវ​បរទេស​យក​លុយ​ដែរ​ ដោយ​ក្នុង​ម្នាក់​ចំនួន​បី​ដុល្លារ​ (នៅពេល​ដែល​អ្នក​ទៅដល់​ច្រកចូល​ Cat​ Cat​ Village​ អ្នក​នឹង​ឃើញ​មានផ្លូវ​មួយ​នៅ​ខាង​ធ្វេង​ដៃ​ ផ្លូវ​នោះ​ហើយ​សម្រាប់​ម៉ូតូ​ជិះ​ចូល​ទៅ​ Cat​ Cat​ Village​)។ ហើយ​នេះ​គឺជា​ការ​បិទ​បញ្ចប់​ដំណើរ​កំសាន្ត​ថ្ងៃទី​មួយ​របស់​យើង​៕